Остуолгар кирдээх иһити-хомуоһу хаалларыма-түүн абааһы кэлэн аһыыр. Сарсыарда тураат, ороҥҥун хомуй,абааһы сыппатын диэн.
- Хараҥара илигинэ оҕолор оонньуурдарын хомуй-абааһы таарыйан ааһыа.
- Уһуктааҕы бэйэҥ диэки утары тутума-аньыы.
- Оһоххун арыылаах алаадьынан аһата сылдьыахтааххын-уот иччитэ үөрэр.
- Алтаттан киэһэ муостаҕын харбаама-сууйума-дьоллоох суолгун
харбыаҥ. - кыра оҕо сыыллан улаатара үчүгэй,олоҕун суолун оҥостор дииллэрэ.
- Кыыһыра-кыыһыра астаама, оннук ас киһиэхэ иҥмэт.
- Суунаргар ыл да мээнэ суунума,бэйэҕин алҕаан суун: «Миигин ыраастаа ыарахантан,куһаҕан санааттан,сылайбыппыттан, ыарыыларбыттан»-оччоҕо киһи дууһалыын ырааһырар, чэпчиир.
- Сарсыарда утуйан туран баран илин диэки хайыһан:»Аҕыс аанньалларым аргыстаһыҥ }3
Сэттэ иэйэхситтэрим сиэттиһиҥ.
Дом! Дом! Дом!»-диэн күнтэн сэниэтэ ыл. - Дьоҥҥо,кыылларга үтүөнү оҥордоххо бэйэҕэр үс төгүл үтүөнэн эргиллиэ.
- Кыылларга эмиэ көмөлөс-аһыммакка,көрө-көрө аттынан ааһыма.
- Абыраабыт-көмөлөспүт дьоҥҥутугар махтаныҥ,ытыктааҥ.
- Ийэ оҕотун эмтэрэ олорон оҕотун алгыахтаах,инники олоҕун түстүөхтээх.Ол алгыһа кэлин туолар.
- Соҕотох кэмҥэр санааҕын сааһылан, толкуйдан, үчүгэйи көрбүккүн санаан утуй.
- Сир астыырга,бултуурга сиргин-уоккун алҕаан аһаларгын умнума.
- Сэргэҕэ бэлэхтэммити хомуйума,уорума-аньыы.
- Хатыҥҥа баайыллыбыт саламаны быһыма-аньыы.
- Эргэ сиэркилэни туттума-сиэркилэ туох баары барытын бэйэтигэр иҥэринэр,онно абааһылар да киириэхтэрин сөп.
- Бэйэҥ сиэркилэҕин ууга уган баран алгыһынан ыраастаа,оччоҕо сиэркилэҥ чэпчиэ.
- Түүн утуйаары сытан ытыыр улахан аньыы:эрдэ кырдьыаҥ, дьолгун сүтэриэҥ,олоҕун кылгыа.
- Түүннэри дьиэ иһигэр да, таһырдьа да хаһыытаама-аньыы.
- Хайдах да түбэлтэҕэ дьону сэнээмэ-сэнэбил киһини өлөрбүттээҕэр сэттэ төгүл аньыылаах.
Ити курдук сиэрбит-туоммут олус элбэх.Бары сиэри-туому тутуһан,ыраас санаалаах буолуоҕуҥ, сырдыкка-кэрэҕэ тардыһыаҕыҥ.