МБУК «Хангаласская МЦБС»

«Тит — Аринская сельская библиотека
филиал 11»

PC (Якутия) Муниципальный район «Хангаласский улус» с. Тит-Ары

    Раиса Николаевна Тимофеева-Михайлова

    • 15.03.2023
    • 138

    Сатабыллаах салайааччы

    «Уран тыл оһуора» литературнай түмсүү үлэтин саҕалаабыта 5 сылын туолар.Салайааччы
    Раиса Николаевна Тимофеева-Михайлова Хаҥалас улууһун Тиит-Арыы дэриэбинэтигэр төрөөбүтэ.Аҕата Михайлов Николай Николаевич, ийэтэ Максимова Мария Лукинична. Хоһооннору, алгыстары,ырыалары айар,суруйар.Уон кинигэ ааптара буолар.

    Сахатын сирэ,айылҕата тупса,чэчирии турарыгар, Саха тыла көлүөнэттэн көлүөнэҕэ хаалан иҺэрин, сүппэтин, сайдарын туһугар, олохтоох хоту сирин дьоно доруобай буоларыгар элбэх «Үлэ» ыытта.Биир киһи холугар дьэ элбэх үлэ үлэлэннэ.
    Олунньу 8 күнүгэр 2018 сылтан «Уран тыл оһуора» түмсүү тэрийэн үлэтин саҕалаабыта.Бу түмсүүгэ бүтүн саха сирин улуустарыттан араас идэлээх, айар куттаах хоһоону хоһуйан көтүтээччилэр, ылбаҕай ырыаны матыыптаан айааччылар түмсэн үлэлии олоробут.
    Раиса Николаевна хас биирдии киһи төрөөбүт дойдутун туһугар,саха сирэ сайдарыгар,төрүт сахалыы тылын умнубатын туһугар,төрөөбүт сирин, дойдутун,айылҕатын харыстыырын туһугар улахан кылаатын уурда.
    Ол курдук биэс сыл иһигэр, утуйар уутун умнан туран, түүннэри -күнүстэри,сылайар диэни билбэккэ 88 кинигэ таһаарда. Уопсайа 10200 кинигэ.
    170 тахса элбэх тэрилтэлэри кэрийэ сылдьан, оскуолаларга, оҕо уһуйааннарыгар,үрдүк салалтаҕа үлэлиир тэрилтэлэргэ, бибилиэтиэкэлэргэ,мусуойдарга сылдьан 5500 тахса кинигэ бэлэхтээтэ.Саха сирин национальнай бибилиэтиэкэтигэр 220 кинигэ бэлэх уунна.
    Элбэх улуустан доҕотторун мунньан 29 улахан бырайыак оҥордо, сахабыт сирин кэрэ сирдэринэн сырыатыннаран, мусуойдары кытта бииргэ үлэлээн элбэҕи кэпсэттэ уонна көрдөрдө.
    Бу түмсүүгэ баар хас биирдии суруйааччы көрүүтэ кэҥээн, сахатын тылын өссө чочуйан хоһооно тупсарыгар үлэлэстэ.
    Өрөспүүбүлүкэ улахан тэрилтэлэрин ол курдук айылҕа министиэрстибэтин, хотугулуу- илиҥҥи үрдүк үөрэх кыһатын,Ойуунускай мусуойун,Национальнай бибилиэтиэкэ,Белинскэй аатынан бибилиэтиэкэ,Сайсар уокуругун бибилиэтиэкэтэ,оҕо бибилиэтиэкэлэрэ,арчы духуобунай киинэ тэрийэр тэрээһиннэригэр көхтөөхтүк дьонун-сэргэтин мунньан,кэпсэтэн, кыттыыны ылар.
    Түмсүү хас биирдии киһитэ ааптарскай кинигэлэнэрин туһугар, 41 киһиэхэ бэйэтэ ис санаатынан көмөлөһөн, буор босхо сүүрэн-көтөн,көмөлөһөн 52 кинигэ таһаарда, уопсай ахсаана 2700 буолла.
    Сахалыы хоһооннору нууччалыы бөрөбүөттэтэн Арассыыйа улахан куораттарын бибилиэтиэкэлэригэр элбэх кинигэ ыытта.
    «Элиэнэ очуостара» диэн Саха сирин кэрэ көстүүтүн көрдөрөр, үс омук тылынан сахалыы,нууччалыы,английскайдыы хоһооннору бөрөбүөттэтэн, улахан кинигэ оҥорон, Аан дойдуга тиийэ тарҕанар кинигэни оҥорон таһаарда.
    Ону таҺынан 2020 с. Раиса Николаевна айар куттаах, суруйар
    оҕолорго анаан бүтүн өрөспүүбулүкээннискэй хоһоон,кэпсээн, ыстатыйа күрэҕин ыыппыта.Алта сааһыттан саҕалаан,уон биирис кылааска дылы оскуолаҕа үөрэнэр 35 оҕо кыттыыны ылбыттара.Оҕолор бары анал ааттаах грамотаннан уонна кинигэлэри бэлэх туппуттара. «Сырдьык Сыдьаайа» диэн ааттаан, элбэх улуустан айар куттаах хоһоон, кэпсээн суруйар оҕолору мунньан үөрэтэ олорор.Оҕолор хоһооннорун мунньан, икки кинигэ хомуурунньук кинигэлэннилэр.
    Сахалыы саҥарар «Тэтим 107,1» арааадьыйа долгунугар 3 сылы быһа, элбэх улуустартан көрдөөн,булан, кэпсэтэн 192 хоҺоонньуту быһа эпииргэ таһаара олорор.
    Тулаайах оҕолор дьиэлэрин таһыгар баар улахан ырааһыйаны, түмсүүтүн дьонун илдьэ баран,элбэх бөҕү ыраастаатыбыт.
    Сайын Хаҥалас улууһугар, «Элиэнэ эбэ» кытылын устун, дьонун түмэн, бөҕүн-сыыһын ыраастаатыбыт.
    «Саха сирэ» уонна «Саха тыла» сайдарын туһугар маннык улахан хабааннаах үлэни ыыта, үлэ үгэнигэр сылдьар.

    «Уран тыл оһуора» лит.түмсүү чилиэнэ Надежда Мироновна-Чэмэлиинэ